Concellos solidarios

No ano 2014 o Concello de Nogueira de Ramuín organizou unha actividade deportiva solidaria na que unha parte da recadación das inscricións foi doada á nosa asociación. Por mor desta iniciativa, AODEMPER puxo en marcha a campaña “Concellos Solidarios” e, na actualidade, xa son 11 os concellos ourensáns que se sumaron á nosa causa. Agradecemos enormemente poder contar o apoio e colaboración das entidades locais para a creación dunha sociedade máis xusta e solidaria, que dá visibilidade e empatiza coas persoas afectadas polas enfermidades neurodegenerativas coas que traballamos. Encantaríanos conseguir que todos os concellos, e outros organismos públicos da provincia, adherísense a esta campaña. Só a unión fai a forza e, cuantos máis sexamos, máis preto estaremos de conseguir nosa misión: mellorar a calidade de vida das persoas con Esclerose Múltiple, Párkinson e Enfermidades Raras e as súas familias.