27 de Outubro de 2022
Octava Edición do Ciclo Ribeiro “Cata A Arte” a favor de AODEMPER
A oitava edición do Ciclo Ribeiro “Cata a Arte” desenvolverase no Centro Cultural Marcos Valcárcel a favor da nosa entidade os xoves días 3, 10, 17 e 24 de novembro e o 1 de decembro en horario de 20:00 a 22:00h. Así, celebraranse presentacións e degustacións de viños de cinco adegas da Denominación de Orixe con accións culturais paralelas como música, poesía ou ilusionismo. O aforo estará limitado a 100 persoas por xornada, e as prazas serán cubertas por orde de retirada das entradas de forma presencial no propio Centro Cultural desde o luns anterior a cada evento.